المنطق.. كلمة إنعدمت في أي حديث يدور بين الأشخاص فبمجرد أن يقول أي شخص (بمعنى كلمة أي شخص) خبر يتم تصديقه في الحال، دون التأكد من صحة الخبر و التفكير في هل هذا الخبر منطقي أم لا.. هو ليه الواحد مش بيستغدم عقله ؟ طب بلاش.. ليه الواحد مش بيسعى لمعرفة الحقيقة ؟ و الشئ المضحك، ليه المروج للإشاعات لا يستخدم المنطق في الكلام ؟

بعد تظاهرات يوم الجمعة 8 أبريل، رفضت الإعتصام و روحت بيتي و كل شئ تمام.. و كان في ناس قليلة معتصمة، فوجئت بليل ناس من المعتصمين بيبلغوا إن في إعتداء من الجيش.. لكن المرة دي كانت بغباء عسكري الأمن المركزي.. صور بعضهم الإعتداء فيديوا و فوجئت بكم مدرعات و كأن الجيش سوف يحرر القاهرة من جيوش التتار، و سمعت أصوات وابل من الرصاص.. مكنتش مصدق!! الجيش إتجنن كده ليه؟ آه.. عشان الضباط المعتصمين فضحوهم، و المرة دي بيطالبوا بخلع المشير، فتحت الجزيرة مباشر لقيت المراسل بيصرخ و بيقول دول مسكوا واحد و شكله بيخلص و رموه بعيد.. و مازالوا بيضربوه بالجزمة..و عربة الإسعاف بتتفرج، سمعت كمية أصوات ضرب نار عمري في حياتي ما سمعتها، و كمان الأمن المركزي نزل و بيرمي غازات مسيلة للدموع حاجة كدة من ريحة جمعة الغضب.. و تم فض الإعتصام بالقوة و محدش يعرف مصير الناس دي إيه و مصير الضباط المعتصمين إيه.. إيه ده؟ دي الناس لو عرفت إلي عامله الجيش هتبقى مصيبة سودة على المشير، مش كدة؟ و إلي تحتيه،صح؟ أكيد هيكون في رد فعل عنيف الصبح.

طلع الصبح الحمد لله..و فتحت المواقع الإخبارية عشان أعرف الموضوع خلص على إيه و كانت الأخبار: الجيش يتهم بلطجية في التحرير بسرقة الأسلاك الشائكة و المتاريس و حرق عربات نقل و ضباط الجيش الموجودين في الميدان دول مزيفين (و بعد كام يوم قال دول طلعوا من الخدمة بسبب سوء السلوك).. إيه إلي جاب الكلام ده يا عم الحج ؟ بعد شوية ألاقي ناس بتقول بلطجية في التحرير و الجيش بيقول إنه إستخدم طلقات فشنك ! و كأني كنت بشوف و أسمع حاجة تانية خالص بليل!!

قلت لا، لازم أنزل و أشوف بنفسي.. و فعلاًَ نزلت و لقيت ناس زيهم زينا بتهتف ضد الفساد و المشير، أخذت جولة، وجدت كمية طوب غير طبيعية، و وجدت أسلاك شائكة محاطة بالميدان و بعض منها لم يستعمل بعد، و وجدت متاريس حديد في المداخل و عربات نقل محملة بحديد طويل مركونة بالعرض و محروقة. و وجدت إشارة المرور “مفشوخة” إخرام من كتر طلق الرصاص.. كأن في عسكري تخيل إنها واحد و مسبش حتة فيها سليمة.

وجدت أيصاً آثار دماء عند كنتاكي.. علمت من الناس وقتها أنها دماء جندي دهسته مدرعة.. و وجدت الطلقات إلي الجيش نزل و فضل يلم فيها.. بس هيلم إيه ولا إيه.. صعب جدا تخفي آثار إعتداء و إكتشفت بنفسي أن الرصاص حي.. و من حظ الجيش إن كان فيه رصاصة لسة ما إتضربتش و بانت إنها رصاصة مش فشنك.. و للعلم شكل الرصاص الحي يختلف عن شكل الرصاص الفشنك. وجدت واحد كل وشه دم سألته إيه إلي حصل.. قال لي الجيش هجم علينا و كان مسعور عشان الضباط إلي في الميدان و في أنباء من ناس كتير إن في 2 منهم ماتوا و ناس تانية بتقول 3 و فيه إلي بيقول كله مات، لكن الله أعلم بالحقيقة و قال الجيش كان بيعذب الناس مش بيفض إعتصام. و كان مانع عربات الإسعاف للوصول للمصابين. و كانوا بيجيبوا أي حد حتى لو ساب الميدان. الرصاص كان فوقنا مثل المطر، و وراني بعض الطلقات. أخذت جولة و وجدت عدة آثار تعذيب على بعض الناس. فسألتهم، هو كان فيه بلطجية ؟ قالوا لي البلطجية كانوا مع الجيش.. و ناس قالوا إنهم كانوا قوات خاصة بلبس مدني.

قررت اليوم ده الجلوس في الميدان مع المعتصمين، لأن كان فاض بي الكيل من أفعال الجيش الإجرامية، فهؤلاء الناس ليسوا قتلة أو بلطجية.. هم معتصمين مطالبين بحقوق من إستشهدوا و حي محاكمة رأس الفساد و أعوانه، حتى و لو عبروا عن رأيهم بإعتصام فهذا ليس معناه قتلهم. هم جزء لا يتجزأ من الثوار. ولا يجوز -بل من العار و الجهل- فصلهم عن الثورة و وصفهم ببلطجية.

هل لك أن تتخيل أن أثناء تواجدي في الميدان وجدت أشخاص على تويتر يقولون بأن الجيش يحذر الناس من أن هناك بلطجية في الميدان و معهم ملوتوف يلقون به على المارة!!! بصراحة مكنتش عارف أضحك على غباء الجيش أم على جهل من صدقوا بدون تأكد، قال الجيش أيضاً أن بلطجية الميدان سرقوا متاريس الجيش.. و هنا أطلب منكم لتفكير لوجه الله في الآتي:

1- إذا كان الجيش يريد فض إعتصام في ميدان.. هل يحضر متاريس معه ؟
2- قوات الجيش بكل قوتها و خير أجناد ألأرض و أقوى عاشر جيش في العالم، شوية بلطجية ياخدوا منهم متاريس ؟
3- الجيش عندما قال أن كل الضباط إلي في التحرير مزورين، ميعرفش إن ليهم أهل و أصحاب عندهم ألف دليل على تكذيب إشاعات الجيش القذرة ؟

أنا عرفت الحقيقة عشان بكل بساطة كنت في موقع الحدث.. رجاء من أي شخص عدم تصديق أي شئ يقال بدون التفكير فيه و عدم التأكد منه حتى لا تكون في يوم من الأيام آلة ناقلة للإشاعات، ليس كل من طالب بالحق بلطجي، و ليس كل من إعترض على نظام خائن

Advertisements

أترك تعليقك

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s